खबर लहरिया चित्रकूट साल भर होइगे, नहीं मिलै पेंशन

साल भर होइगे, नहीं मिलै पेंशन

taja shevtampurजिला चित्रकूट, ब्लाक कर्वी, कस्बा शिवरामपुर, कपडि़या बस्ती। हिंया के मड़इन का आरोप हवै कि समाजवादी पेंशन का फार्म जुलाई 2014 मा भरा रहै, पै अबै तक समाजवादी पेंशन नही मिलत आय। यहिके खातिर प्रधान शिवबरन कपडि़या से 1 जुलाई 2014 का कहा गा, पै अबै तक पेंशन का इंतजार करत हवैं।

बस्ती के अंजू अउर सरोज का कहब हवैं कि झाडू बना के घर का खर्चा चलाइत हन। यहिसे सोचित हन कि अगर समाजवादी पेंशन मिलै लागै तौ थोइ सहारा होइ सकत हवै। हमरे लगे एकौ बिसुवा जमीन नहीं आय अउर पेंशन के पात्र भी हन।

शिवकुमारी का कहब हवै कि समाजवादी पेशन का फार्म भरे साल भर होइगे पै पेंशन मिलै का नाम नही आवत। यहिसे समाजवादी पेंशन के राह देखत हौं कि या दरकी पेंशन जरुर अई।

प्रधान शिवबरन कपडि़या कहिस कि समाजवादी पेंशन का फार्म अगस्त 2014 मा भरवा के समाज कल्याण विभाग मा जमा कइ दीन गे रहैं। अबै इं लोगन के पेंशन नही आई हवै। समाज कल्याण विभाग के पैश्वनी बाबू कहिन कि कुछ अपात्र लोगन के जांच चलत हवै। यहिके बाद पात्र लोगन का ही समाजवादी पेंशन मिली ।