खबर लहरिया औरतें काम पर साल भर से रूपईया बाकी

साल भर से रूपईया बाकी

w

करई ले रूपईया के इंतजार

जिला सीतामढ़ी, प्रखण्ड रीगा, पंचायत पकड़ी, गांव उसरहिया, वार्ड नम्बर बारह। उहां के आशा रेणु देवी के सदर सीतामढ़ी अउर रीगा पी.एच.सी. में 2011 के प्रसव के रूपईया अभी तक न मिलल। रूपईया न मिले से कोई भी काम में दिक्कत होई छई। आशा रेणु देवी कहलथिन कि आशा के दिन पर दिन काम बढ़ले जाई छई। लेकिन आशा के कही जगह न हई। प्रसव वाली महिला शिशु के बाईस दिन देख रेख करके रिर्पोट जमा करे परई छई। रात-विरात गर्भवती महिला के प्रसव के लेल दउरई छी मगर समय से रूपईयान मिल रहल हई। 2011 के सीतामढ़ी सदर अस्पताल में तीन गो अउर रीगा पी.एच.सी. में तीन गो प्रसव वाला रूपईया अभी तक बाकिये हई। आशा के काम के लेल कोई समय न हई। जेई कारण बच्चा के पढ़ाई में कमी हो रहल हई। काम के लेल रात दिन बराबर हई। लेकिन मजदूरी समय पर कहां हई?
सदर सीतामढ़ी आशा मैनेजर प्रभात कुमार कहलथिन कि जिला स्वास्थ्य समिति केन्द्र में आशा के शिकायत अनिवार्य हई। सब आशा अपन शिकायत दर्ज करथिन तब इहां से उनका सब के पिछला रूपईया भुगतान कयल जतई। जब तक आवेदन जमा न होतई तब तक पिछला रूपईया न मिलतई। आशा सब जेतना जल्दी कागज जमा करथिन ओतना जल्दी पिछला रूपईया मिल जतई।