समस्या बतबईत निर्मला देवी
जिला सीतामढ़ी, प्रखण्ड बथनाहा, गांव ब्रह्मपुरी टोला। उहा केे जयनारायण राम के राशन कार्ड आई तक न मिलल हई जबकि इ साल भी बीते वाला हई।
इनकर पत्नी निर्मला देवी कहलथिन कि हम जात के मेस्तर छी। जहिया शादी हो के अईली तब से हमरा नाम से राशन अउर मट्टी तेल मिलईत रहलक। लेकिन अबकी के जनगणना भेलई तबसे हमरा नाम से राशन कार्ड न मिलल।
मुखिया शांति देवी के पति पंकज कुमार सिंह कहलथिन कि जे लोग जनगणना कयले छथिन उहे सब से गलती होयल होतई। जिनकर सब के नाम छुट गेल हई उनका सब के प्रखण्ड में आपाती फाॅर्म देवे के रहई। उ अगर देले होईथिन तब न कार्ड बनके अतई।
प्रखण्ड विकास पदाधिकारी वसंत कुमार सिंह कहलथिन कि आपति फाॅर्म गेल हई। लेकिन कार्ड अभी न आयल हई कुछ कार्ड दोसर-दोसर गांव में चल गेल रहलई उ कार्ड अलईय अउर वितरण भी होलईय।