साईकिले हई आधार

ट्राईसाकिल पर बईठल मुकेश

जिला सीतामढ़ी, प्रखण्ड बथनाहा, पंचायत हरपुर भलहा, गांव गोठिया। इहां के मुकेश कुमार वर्ग सातवां में पढ़ईत रहलथिन पंजाब में पुलिस के गाड़ी से ठोकर लाग गेलई जेई कारण उ विकलांग हो गेलथिन। उनका 24 सितम्बर 2014 के प्रखण्ड विकास पदाधिकारी ट्राईसाकिल देलथिन।
मुकेश के पिता संपत राय कहलथिन कि पहिले हमर बेटा बहुत अच्छा रहलक। सातवां में पढ़ईत रहे त हम सब गरीब मजदूर लोग दुसरा शहर में मजदूरी करे जाई छी। लगभग दस साल पहिले पंजाब गेल रही त इहो चल गेल। उहे पुलिस के गाड़ी से ऐकरा ठोकर लाग गेल त इ छौ महिना अस्पताल में भर्ती रहे। तब एकर आवाज वापस आयल। लेकिन साफ आवाज न हई अउर तहिया से पुरा शरीर से ही विकलांग हो गेल। लेकिन इनका आई तक ट्राईसाकिल न मिलल रहलई। आई प्रखण्ड में अईली त बी.डी.ओ. ट्राईसाकिल देलथिन।
प्रखण्ड विकास पदाधिकारी वसंत कुमार सिंह कहलथिन कि ट्राईसाकिल पहिले मिल गेल हई। लेकिन कोई कारण से इ न आयल रहलथिन त आई इनका ट्राईसाकिल मिललई।