आपन बच्चा के साथै चंदा देवी
जिला बांदा, ब्लाक तिन्दवारी गांव धौसड़। चन्दा देवी का मनसवा जून 2012 मा मर गा रहै। ससुराल वाले निकार दिहिन अउर खेती मा हिस्सा नहीं देत आय।
चन्दा देवी का कहब है कि 16 बिगहा खेती है जेहिमा मोहिका आधी जमीन मिलैं का चाही। मनसवा नीरज के मउत 20 जून 2012 का होई गे रहै। हिस्सा दें के डर से मनसवा के मरै के दुई दिन बाद 22 जून 2012 ससुराल वाले निकार दिहिन है। अब पूरी जमीन देवर नरेन्द्र के नाम कराये देत हैं। मोर ससुराल बबेरू ब्लाक का गांव मुरवल आय। मोर महतारी बाप तीन लाख रूपिया के लागत के शादी करिन है। यहिसे मोहिका भी जमीन मिलै का चाही।
चचिया सास सम्पत का कहब है कि हमार लड़का के मरैं के बाद बहू तुरतै आपन मइके चली गे है। जो मुरवल गांव मा रहत तौ हिस्सा मिलत। वहिके सास ससुर कोइलरी मा रहत है।