जिला चित्रकूट, ब्लाक मानिकपुर, कस्बा मानिकपुर हिंया के सामुदायिक स्वास्थ्य केंद्र मा गर्भवती मेहरियन का अप्रैल 2017 से मीनू के हिसाब से खाना अउर नाश्ता नहीं दीन जात आय। सरकार गर्भवती मेहरियन खातिर बहुतै व्यवस्था करत हवै पै वहिकर लाभ इं मेहरियन का नहीं मिलत आय।
सी.एम.ओ राम जी पाण्डेय का कहब है कि गर्भवती मेहरियन का सुबह ने नाश्ता मा दूध अउर फल दीन जात हैं। मानिकपुर अस्पताल मा नाश्ता नहीं मिलत तौ जांच कराई जई। दुर्जी बताइस कि कुछौ नाश्ता नहीं मिलत आय एक दिन सब्जी पूड़ी बस मिला हवै। कोबरा गांव के गोलनिया देवी अउर किरन बताइस कि रात के आये हन पै हमें कुछौ नाश्ता नहीं मिला आय बाहर से पचास रुपिया का नाश्ता मंगावा हवै। मारकुण्डी गांव के नीलू बताइस कि हमें नाश्ता नहीं मिलत आय।
बाईलाइन-सहोद्रा
20/09/2017 को प्रकाशित
