खबर लहरिया बुंदेलखंड समाजवादी पेंशन से कट गयें नाम

समाजवादी पेंशन से कट गयें नाम

सूची में नाम जोड़े की मांग

सूची में नाम जोड़े की मांग

जिला महोबा, ब्लाक जैतपुर, कस्बा कुलपहाड़ मोहल्ला गांधी वार्ड, वार्ड नम्बर एक। ई मोहल्ला की ओरतन को आरोप हे कि हमाये मोहल्ला में बिना सर्वे करे समाजवादी पेंशन के फारम भरें हे। जीमें पात्र आदमियन के नाम काट दयें हे, ओर अपात्र आदमियन के फारम भर दयें हे।
मीरा पत्नि दीनदयाल ने बताओ कि हमाये मोहल्ला में समाजवादी पेंशन के फारम बिना सर्वे करे जीखे जमीन ओर पक्के मकान हे। ओई के फारम भरे हे। जोन पात्र आदमी हे।
मीरा पत्नि गिरधारी ने बताओ कि हम गरीब आदमी हे। मजदूरी करके परिवार पालते हे। हम सोचत हते कि सरकार की योजना को लाभ मिलहे। हल्की ने कहो कि हमें का पता हतो सरकार की योजना गरीबन खा नई अमीरन खा हे। सवित्री को आरोप हे कि जीखी समाजवादी पेंशन में डियूटी हती ऊ रूपइया लेके अपने पहचान के आदमियन को पेंशन को फारम भरो हे। ईखी दरखास हमने 16 दिसम्बर 2014 खा तहसील दिवस में दई हे ओर जांच करा के समाजवादी पेंशन की मांग करी हे।
कुलपहाड़ नगर पंचायत के अधिसाषी अधिकारी राजकुमार उपाध्याय ने बताओ कि सबके फारम भरे हते। अब ऊपर से नाम कट गये हे। ऊमें हम का कर सकत हे।