खबर लहरिया औरतें काम पर सब लड़की बने आत्मनिर्भर

सब लड़की बने आत्मनिर्भर

कराटा सिखईत लड़की

कराटा सिखईत लड़की

जिला सीतामढ़ी के महन्त रघुनाथ दास बालिका उच्च विद्यालय में नौवा वर्ग के सब लड़की के जुड़ो कराटा के प्रशिक्षण देल जा रहल हई। इ प्रशिक्षण 5 नवम्बर 2014 से मार्च 2015 तक चलायल जतई। हर सप्ताह सोमवार अउर शुक्रवार के इ प्रशिक्षण देल जाई छई।
प्रशिक्षु शबनग, सोनाली, सोनम, पुजा, निराली, विभा, शिल्पी समेत एक सौ सतर लड़की के कहना हई कि हम अपना से आत्म निर्भर बने के लेल इ कराटा सिखई छी। ताकि हम सब अकेला कही जा सकई छी। कही कोई लड़का छेड़खानी करे त पंच मार के अपन सुरक्षा कर सकी। पहिले ऐतना आत्मबल न रहे जेतना जुड़ो कराटा सिखे से मिल रहल हई।
ओई विद्यालय के सहायक शिक्षक सोहन लाल महतो कहलथिन कि सर्व शिक्षा अभियान के तहत माध्यमिक शिक्षा के द्वारा प्रत्येक उच्च विद्यालय में प्रशिक्षण देल जाई छई।
कराटा मास्टर रौशन राज रोमियो कहलथिन कि हम चाहई छी कि सीतामढ़ी जिला के सब लड़की जुरो कराटे में आगे आवे। लेकिन प्रशिक्षण के दौड़ान सबसे अच्छा कराटे करे वाली लड़की के आगे बिहार दिवस में जाये के मौका देल जतई।