खबर लहरिया बुंदेलखंड सफाई अभियान की होत खानापूर्ति

सफाई अभियान की होत खानापूर्ति

कस्बे में एसी फेली गन्दगी

कस्बे में एसी फेली गन्दगी

जिला महोबा, ब्लाक चरखारी, कस्बा खरेला। ई कस्बा में जघा-जघा लगे कूड़ा के ढेर 2 अक्टूबर से चल रहे सफाई अभियान की धज्जियां उड़ाउत हें।
राजेश ओर प्रकाश बताउत हें कि खरेला कस्बा में बारह वार्ड हें। जीमे कोनऊ में सफाई कर्मी हे तो कोनऊ में नइयां। ईखे कारन कास्बा की सफाई व्यवस्था बोहतई डावा-डोल चलत हे। अभिषेक ओर पूरन बताउत हे कि 2 अक्टूबर से चल रहो सफाई अभियान खरेला में नाम भर खा चलत हे। गली ओर नालियन में कूढ़ा जस को तस भरो हे। समशेर ओर पप्पू बताउत हंे कि सफाई अभियान चले के बाद तो सफाई कर्मी ओर भी लापरवाह हो गये हंे। पेहले कहे पे सफाई कर देत हते, पे अब बहाना होत हे कि सफाई अभियान चलत हे। जभे कि सफाई अभियान नगर पंचायत के रजिस्टर में चलत हे।
खरेला नगर पंचायत के चेयरमैन सिद्वगोपाल बताउत हे कि खरेला कस्बा में कुल अट्ठारह सफाई कर्मी हंे। जोन बारह सफाई कर्मी अपने-अपने वार्डन में चले जात हंे। बाकी सफाई कर्मी टैªक्टर में कूड़ा भरें चले जात हंे। एक गली की सफाई करें में लगभग एक हफ्ता लग जात हे। सफाई कर्मी कम होंय के कारन सफाई व्यवस्था सही ढंग से नई चलत हे।