फुंका हवै ट्रान्सफारमर
जिला चित्रकूट, ब्लाक मानिकपुर, गांव कल्याणगढ़। हिंया के आबादी एक हजार हवै। चार महीना से ट्रान्सफारमर फूका हवै। यहै से मड़ई अंधियारे मा रहंै का मजबूर हवै। या कारन ट्रान्सफारमर लगवावैं खातिर मानिकपुर बिजली विभाग मा कइयौ दरकी दरखास दीन गा हवै, पै अबै तक ट्रान्सफारमर नहीं बना आय।
सोहन, कैरा, राकेश अउर पप्पू समेत दस लोगन का कहब हवै कि चार महीना से ट्रान्सफारमर फुंका हवै। कइयौ दरकी मानिकपुर बिजली विभाग मा दरखास दीन गा हवै। 1 अप्रैल 2014 का फिर दीन गा हवै। अबै तक ट्रान्सफारमर नहीं बदला गा आय। मच्छर बुहतै लागत हवै। टी.बी., पंखा घरे हवैं। अधिंयारे मा कीड़ा पतीरा का डर बना रहत हवै। बिजली विभाग हाथ मा हाथ धरे बइठ हवै। ट्रान्सफारमर लगवावैं का नाम नहीं लेत आय।
मानिकपुर बिजली विभाग के जेई सुनील कुमार का कहब हवै कि प्रस्ताव बना के कर्वी बिजली विभाग मा दीन गा हवै। चुनाव के पहिले ट्रान्सफारमर लाग जई।