सड़क पै उतरे मजदूर

जिला फैजाबाद। 2 सितम्बर का केन्द्रीय श्रम संगठन के राष्ट्रीय आह्वान पै श्रमिक संगठन कै मनई गुलाब बाड़ी पार्क से मार्च निकारिन। अउर मजदूरन के मांग से संम्बन्धित नारा लगाइन। बारह सूत्री ज्ञापन जिलाधिकारी के माध्यम से राष्ट्रपति का शौंपिन।
श्रमिक संगठन कै नेता रामभरोस कहिन कि मोदी शासन के एक साल के भीतर ही जनआदेश के साथ वादा खिलाफी के विरोध मा आवाज उठब शुरू होइगै बाय। अब तौ मोदी सरकार श्रम कानून मा संशोधन कइके मजदूर हित पै सीधा चोट करै पै तुली बाय। जेकै जबाव मजदूर सड़क पै उतरके दियत बाय। अतीक अहमद कहिन कि प्रदेश कै अखिलेश सरकार भी मजदूर विरोधी काम करै मा प्रदेश का पहिले स्थान पै लै आए बाय। प्रदेश मा श्रमिक का न तौ सम्मान जनक मजदूरी मिलत बाय न ही योजना कै लाभ। प्रत्येक नागरिक अपने आपका असुरक्षित महसूस करत अहैं।