जिला अम्बेडकर नगर, ब्लाक कटेहरी, गांव कटेहरी। यहि के एक लड़की के साथ गांव कै एक लड़का शादी कै बहाना कइके पांच साल से शोषण करत बाय। शादी से इनकर करै के कारण लड़की अहिरौली थाना मा रिपोर्ट लिखाइन।
लड़की कै कहब बाय कि गांव कै काली सहाय अउर उनकै जीजा महेन्द्र जवन प्रधान अहंै। अउर उनकै बहन उर्मिला शादी करै का दबाव डालिन। कहिन दुइनौ जने कै शादी कराय दियब। जब हम शादी करै के ताई कही थी तौ कहाथे पढ़ाई करा। अउर दूसरी जगह शादी तय कै लिहिन। सगाई के दिन हमै पता चला। यकरे ताई विरोध करेन तौ कहिन कि तुहसे शादी न करब। हमारे इज्जत से खिलवाड़ करत अहैं यकै सजा उनका देवाउब। या तौ हमसे शादी करै। तीन जगह एस.पी., सी.ओ. अउर थाने में बयान लिया गै। तब मेडिकल जांच भै। काली सहाय कै अम्मा लखपता कहिन कि हमरे बेटवा का झूठै फंसावा जात बाय।
अहिरौली थाना के एस.ओ. राजेष यादव कै कहब बाय कि लड़की के तहरीर पै काली सहाय के ऊपर केस दर्ज कइके गिरफ्तार कीन गै बाय। मुकदमा अपराध संख्या 169/14 धारा 366, 376, 420, 343, 504 आई.पी.सी. लाग बाय।