जिला अम्बेडकर नगर, ब्लाक कटेहरी, गांव संग्रामपुर। हिंआ आदर्श लोहिया गांव मा दुई साल पहिले शौचालय बना रहा। शौचालय पैरा अउर कंडी धरै के काम आवत बाय।
गांव कै रामपियारे, त्रिभुवन, वेद प्रकाश, शीला देवी, धनपत्ती, सुशीला देवी, कमला देवी कै कहब बाय कि शौचालय तौ देखावटी मा बनिगै। यहमा कम अउर घटिया सामान लगावागै बाय। दरवाजा भी नाय लाग बाय। यही कारण हमरे सब खुले मा शौचलय जाईथी। यही से मनई उपरी कन्डा पैरा धरे हइन। निर्मल भारत के तहत चयनित लोहिया गांव मा स्वच्छता अभियान कै नामोनिशान नाय बाय।
एडीओ पंचायत बताइन कि सब शौचालय मा दरवाजा लगुवायगै रहा। मनई दरवाजा निकारिके अपने घरमा धई लिहिन। जउने मा दरवाजा नाय लाग बाय वकै सूची बनुवाय जाये।
