शुरू हो गया है त्यौहारों का मौसम, चलिए देखते हैं क्या बाजारों का रूप?

जिला चित्रकूट अउर झाँसी| त्यौंहार मौसम मा बाजार का  रूप देखत बनत हवै काहे से कपड़ा बर्तन अउर खिलौना जइसे सबै दुकान सजी धजी देखात हवै|कइयौ जघा तौ दुकान के सेल लागत हवैं जेहिमा मड़ई खूब खरीददारी करत हवैं| नवरात्री शुरू होतेन त्यौंहारन का मौसम शुरू होइ जात हवै|कर्वी के आदित्य शापिंग मॉल के मालिक सुरेश का कहब हवै कि हमार हर साल सेल के दुकान लागत हवै|जेहिमा सस्ते कपड़ा दीन जात हवै यहै कारन ग्राहक आवत हवै|
मॉल मा काम करै वाली स्वाति पाण्डेय का कहब हवै कि सेल मा कपड़ा खरीदे मा बड़ी छूट दीन जात हवै| चूड़ी बेंचे वाला मोहम्मद इमरान का कहब हवै कि आजकल जउन चूड़ी कंगन फैशन मा हवै वा सब हमार  दुकान मा बिकत हवै| झाँसी के सीमा का कहब हवै कि या समय नेट अउर कढ़ाई के साड़ी बहुत बिकत हवै|दुकानदार सुरेश का कहब हवै कि नेट सिफान के साड़ी मेहरिया बहुतै खरीदत हवैं| हमार दुकान मा पांच सौ से लइके पांच हजार तक के साड़ी हवै| ग्राहक आरती बताइस कि करवाचौथ खातिर मैं दुई हजार के साड़ी खरीदे हौं|
खबर लहरिया ब्यूरो
28/09/2017 को प्रकाशित