शिक्षक दिवस की तैयारियां जोरो-शोरो पर, देखिये क्या हो रहा है बांदा में

जिला बांदा, ब्लाक नरैनी, गांव बरेहंडा। 5 सितम्बर का शिक्षक दिवस मनावा जात है। यहै कारन हेंया के पूर्व  माध्मिक विदयालय मा यहिके जोर-शोर से तैयारी शुरू होइ गे है।यहिके खातिर स्कूल के मास्टर बच्चन साथै मिल के तैयारी करत हैं।
सहायक मास्टर रामकिशोर पाण्डेय का कहब है कि बच्चन के महतारी बाप से मिल के या साल घर-घर रैली निकाली जई। हेडमास्टर राम दयाल कुशवाहा का कहब है  बच्चा सवाल जवाब कइ सकत हैं या स्कूल के 15 बच्चा राष्ट्रीय प्रतिभा खोज मा आपन नाम कइ चुके है। बाल संसद अध्यक्ष आसुतोष का कहब है कि चुनाव मा कइसे वोट दीन जात है या सब हमार स्कूल मा सिखावा जात है।
मीना मंच के अध्यक्ष सुषमा बताइस कि हम मड़इन का शौचालय के बारे मा बताइत हन। बाल पत्रिका सदस्य अंकित बताइस कि कहानी चुटकुला बच्चा  सुनावत है। गांव के घटना लिख देत है।

रिपोर्टर-गीता

01/09/2017 को प्रकाशित