खबर लहरिया ताजा खबरें व्यायाम शाला बना चारागाह

व्यायाम शाला बना चारागाह

जिला अम्बेडकर नगर ब्लाक कटेहरी ग्राम सभा प्रतापपुर चमुर्खा मजरा मदनगढ़। हिंआ सन् 1986 कै बना व्यायाम शाला कै स्थिति एक दम खराब होई गै बाय।

देखभाल न होय के कारन युवक मंगलदल कै पूर्व जिलध्यक्ष बजरंग बली चैबे कै कहब बाय कि युवक मंगलदल के आग्रह पै खेलकूद प्रतियोगिता करै कै उद्घाटन फैजाबाद जिलाधिकारी रामशरण श्रीवास्तव आय रहिन। सन् 1986 मा सत्तर हजार के लागत से बना रहा। हिंआ अखाड़ा कुस्ती कै भब्य समारोह होत रहा लकिन पूरी तरह से घास फूस से ढक गै बाय। रास्ता तक बंद होई गै बाय। खेल कै सब सामान चोर उठाय लई गईन ऊपर लाग टीनसेट सब टूटी कै खत्म होई गै। लोहे कै लाग एंगल भारी भरकम सब गायब होई गै। अगर ई व्यायाम शाला दुबारा चालू होई जात तौ केतना मनई अखाड़ा कै आंदन लेतिन। जिलाधिकारी के हस्ताक्षेप से एक बीघा जमीन व्यायाम शाला खातिर दिया गै रहा। युवा कल्याण विभाग से बजट कै व्यवस्था भै रहा।

युवक मंगलदल कै जिलाअध्यक्ष जयकुमार वर्मा कै कहब बाय कि अखाड़ा युवा कल्याण विभाग अउर ग्राम पंचायत के संयुक्त जिम्मेदारी पै रहा। प्रशासन बजट कै व्यवस्था बनाय दे तौ ग्राम पंचायत स्तर से दुबारा मरम्मत कराए जाए सका थै।