खबर लहरिया फैजाबाद विद्युतीकरण न हुवय से गांव वाले नाराज

विद्युतीकरण न हुवय से गांव वाले नाराज

Exif_JPEG_420

Exif_JPEG_420

जिला अम्बेडकरनगर, ब्लाक भीटी, गांव रोहनपारा। हिंआ कै मनई विद्युतीकरण न हुवय से नाराज होइके भीटी एस.डी.एम. का ज्ञापन सौंपिन। राजीव गांधी विद्युत योजना के तहत खम्भा तौ लगाय दिया गै लकिन तार नाय खींचा गै बाय। गांव वाले जल्दी विद्युतीकरण न होये तौ धरना प्रदर्शन कै चेतावनी दिहिन।
गांव कै संजय पाठक, कृष्ण कुमार, सुनील सिंह अउर हरिओम सिंह बताइन कि लगभग दुई साल पहिले राजीव गांधी विद्युत योजना के तहत विद्युतीकरण कै काम शुरू भै बाय। खम्भा लाग लकिन अबहीं तक तार नाय खींचागै। कइयौ बार शिकायत कीन गै तार आय लकिन फिर वापस उठाय लै गइन। डेढ़ साल होइगा तार न लागै से लगभग आठ हजार मनइन का बिजली कै लाभ नाय मिलत बाय। जब अधिकारी से शिकायत कीन जाथै तौ खाली आश्वासन दइके लउटाय दियाथिन। समस्या तौ हमरे सबका झेले का परत बाय। उनका सबका काव करे का बाय। लकिन अगर जल्दी से जल्दी तार न खींचा गै तौ हमरे सब कलेक्ट्रेट के सामने अनिश्चित कालीन धरना प्रदर्शन करब।
अधिशाषी अभियंता मुकेश बाबू बताइन कि गांव मा पहिले खम्भा लगाये के बाद घर-घर केबिल खींचा जाये। मीटर लगाये के बाद जांच कीन जाये सही से सेट बाय कि नाय। यकरी बाद बिजली पास कीन जाये।