ई बस में आई बारात
महोबा शहर, मोहल्ला नैकानापुरा। एते के जगदीश रैकवार के बिटिया माधुरी की शादी खजुराहो में सुभाष के साथे होत हती। जगदीश को आरोप हे कि दहेज न देय पे बारात 27 नवम्बर खा द्वारे से लौट गई हे।
जगदीश ने बताओ कि में गरीब आदमी हो, मजदूरी करके परिवार पालत हों। पेहले तो ससुराल वाले कछू न मांगत हते। जभे हम फलदान देन गये तो डेढ़ लाख रूपइया ओर मोटर साइकिल मांगन लगे। हमने हाथ विनती करी पेहले तो गाली गलौज करन लगे ऊखे बाद मांन गये। हमने बिटिया की सगाई मे दरन दहेज ओर खाना खर्चा कर टीका की तैयारी करी। जभे बारात द्वारे में आई तो लड़का द्वारू पीके मोटर साइकिल मांगन लगो। मना करें पे ऊ आपन बारात द्वारे से लौटा ले गये। मोओ लगभग दो लाख को खर्चा भओ हे।