खबर लहरिया सीतामढ़ी लोग जमिन दे त नाला बनतई

लोग जमिन दे त नाला बनतई

gav se

नाली के पानी सड़क पर

जिला शिवहर, प्रखण्ड तरियानी, गांव रुपवारा। इहां पुरे गांव में नाली न हई। जई से सड़क बनला के बाद भी सड़क पर पानी रहई छई।
इहां के गणेश महतो, हरेन्द्र महतो, लीलावती देवी कहलथिन कि इहां त पीहले सड़को न रहई। लेकिन अब सड़क बन गेल हई तइयो कोनो कामे के न हई। कही नाली न हई जई कारण सारा पानी सड़क पर ही रहई छई। हमरा सबके चापाकल के पानी के भी गड्ढ़ा खनके रखे परईय। तनको पानी बरसई छई त सड़क पर पानी-पानी हो जाई छई। केतना बेर आवेदन देली, वार्ड मेम्बर लिख के ले गेलथिन लेकिन इहां आई ले न नाला बनलई।
मुखिया जयमाला देवी के पति जगदीश राय कहलथिन कि लोग के शिकायत रहई छई कि नाली न बनल हय पर जब जमीन देवे के बात होई छई त कोई  तईयार न होई छथिन। लोग अगर जमीन देथिन त हम मुख्यमंत्री ग्राम विकास योजना के तहत अभी पंचायत में रुपईया आयल हई हम नाला बनवा देवई।