खबर लहरिया औरतें काम पर लिख गओ गैंग रेप को मुकदमा

लिख गओ गैंग रेप को मुकदमा

imagesजिला महोबा, ब्लाक चरखारी, कोतवाली चरखारी क्षेत्र के एक लड़की को आरोप हे कि मोहल्ला के शोनू, इमरान ओर दो अज्ञात आदमियन ने बलात्कार करो हे। ईखी रिपोर्ट करें पे जान से मारे की धमकी दई हती।
लड़की ने बताओ कि मे दुकान समान लेन गई हती। तभई शोनू ओर इमरान ने मोये पकर के कमरा में ले गये। मे चिल्लानी तो ऊने मोओ मुंह दबा लओ। अपने दो दोस्तन खा बुला लओ। चारऊ जने ने खूब दारू पी ओर मोये भी जबरजस्ती पिलाई हती। ऊखे बाद चारूऊ जने ने मोये साथे बलात्कार करो हे। जभे में घरे आई ओर सब बात अपने घर वालेन खा बताई ओर कोतवाली में रिपोर्ट करन गये तो हमाई रिपोर्ट एसई लिखी हे। लड़की के परिवार वालेन ने कहो कि जभे हम दुबारा से कोतवाली गये ओर कोतवाली को घेराव करो हतो तभई कोतवाल ने लड़की खा डाक्टरी के लाने जिला अस्पताल भेजो हे। चरखारी कोतवाली के कोतवाल ने बताओ कि धारा 376ए (बलात्कार) के तहत चारो आदमियन के नाम मुकदमा लिख गओ हे। अपराधी खा भी पकर के जेल भी भेज दओ हे।