खबर लहरिया चित्रकूट लम्बे समय बाद यात्रियों की मांग हुई पूरी इलाहाबाद से कानपुर के लिए छुक-छुक चली ट्रेन

लम्बे समय बाद यात्रियों की मांग हुई पूरी इलाहाबाद से कानपुर के लिए छुक-छुक चली ट्रेन

जिला चित्रकूट के मड़ई बहुतै समय से कानपूर जायें वाली गाड़ी के मांग करत रहै  मड़इन के मांग 17 नवम्बर का पूर होइगें हवै काहे से सांसद भैरों प्रसाद मिश्र इलाहबाद से कानपूर जायें वाली इन्टर सिटी एक्सप्रेस गाड़ी का उद्घाटन करिन हवैं या गाड़ी चलें से हिंया के जनता बहुतै खुश हवै
गाड़ी मा बइठ प्रमोद कुमार बताइस कि हिंया एक अउर गाड़ी चले लाग हवै या बहुतै नींक बात आय यहिसे सबै का बहुतै फायदा होइ लक्ष्मी का कहब हवै  कि मैं भरुवा सुमेरपुर जात हौं आज या गाड़ी का पहिला दिन आए तौ बहुतै नींक लागत हवै कि हिंया से एक अउर गाड़ी चलें लाग हवै
परशुराम बताइस कि मैं कानपूर से जानकीकुंड आंखी देखावे आये रहेहौं अब वापस जायें का हवै पहिले हम पैसेंजर गाड़ी से जइत रहैं जेहिसे कानपूर पहुंचै मा रात होइ जात हवै
गाड़ी ड्राइवर आशीष सिंह का कहब हवै की पहिले या गाड़ी कानपुर से चित्रकूट तक चलत रहै अब इलाहाबाद से मानिकपुर होइ के कानपुर तक जई। जेहिमा लगभग पांच घंटा का समय लागी। सांसद भैरों प्रसाद का कहब हवै की जबै हमार सरकार आई तौ स्टेशन एक अउर दुइ नम्बर का बनावा गा हवै अउर जनता खातिर या गाड़ी चलाई गे हवै भविष्य मा बांदा अउर चित्रकूट स्टेशन के नींक बनावे के सूची मा रखा गा हवै।
बाईलाइन-मीरा जाटव और मीरा देवी

Published on Nov 17, 2017