खबर लहरिया चित्रकूट रोजै होत एक्सीडेंट

रोजै होत एक्सीडेंट

जिला चित्रकूट, ब्लाक कर्वी, कस्बा भरतकूप हाईवे रोड। हिंया बोलेरो अउर कंैपर से 20 अप्रैल 2014 का एक्सीडेंट होइगा। इं दूनौ गाड़ी मा सवारी बइठ रहैं। या कारन बीस सवारी गम्भीर रूपा से घायल होइगें। घायल मड़इन का अस्पताल मा भर्ती कीन गा।
कस्बा के विष्णु कान्त अउर रामपुर माफी गांव के जानकी शरन का कहब हवै कि बोलेरो कैंपर गाड़ी नम्बर यू.पी. 90 टी 0014 कर्वी से आवत रहै अउर बोलेरो गाड़ी नम्बर यू.पी.71-53429 बांदा से चित्रकूट जात रहै। बोलेरो कैंपर मा पन्द्रह सवारी अउर बोलेरो मा पांच सवारी बइठ रहैं। उंई दूनौ गाड़ी आपस मा भिड़गे अउर दूनौ ड्राइवर कूद के भाग गा। ड्राइवर का पता नहीं लाग उंई बगी हवैं। एक्सीडेंट होय के समय सवारिन के चीख पुकार सुन के आस पास का मड़ई इकट्ठा होइगे। वहै समय डी.आई.जी अमिताभ यश बांदा से आवत रहैं तौ उंई एम्बुलेंस का फोन कइके बोलाइन अउर घायल मड़इन का अस्पताल पहुंचाइन। या कारन सड़क मा लगभग एक घंटा तक जाम लाग रहै। भरतकूप चैकी के छोट दरोगा हेमंत मिश्रा कहिन कि या एक्सीडेंट होय के सूचना भी हिंया नहीं आई हवै। या मामला कोतवाली मा दर्ज हवै। दूनौ गाड़ी चैकी मा ठाढ़ हवै। कर्वी कोतवाली के मुंशी छेदीलाल कहिन कि ड्राइवर का पता कीन जात हवै। वहिके बाद कारवाही होइ।

घायल मड़इन के नाम अउर उम्र इनतान हवै
अतर्रा- नाम, शुभम पाण्डेय- 19 उम्र
केतकी पाण्डेय- 50 उम्र
जहानाबाद- रामप्रकाश- 25 उम्र
कानपूर(महराजपुर) रंजीत- 30 उम्र
फतेहपुर(बिंदकी) सागर- 50 उम्र
बेटा सूरज- 20 उम्र
कर्वी (सीतापुर) कल्लू 50 उम्र
बांदा श्रीकान्त- 15 उम्र
जहानाबाद-रामसागर- 44 उम्र
फरीदाबाद- राजेश शुक्ला- 30 उम्र
फरीदाबाद- राकेश- 42 उम्र
फरीदाबाद- सत्यप्रकाश- 45 उम्र
भाई वेदप्रकाश- 30 उम्र