खबर लहरिया ताजा खबरें रेलवे फाटक न हुवय से परेषानी

रेलवे फाटक न हुवय से परेषानी

जिला अम्बेडकर नगर, ब्लाक अकबरपुर, गंाव अरियावना। यहि गंाव के किनारे से रेलवे लाइन गै बाय। हिंआ रेलवे फाटक नाय बना बाय। लाइन पार कइके मनई आवत जाथिन। हर साल एक न एक घटना होय जाथै। गंाव वाले मनईन कै मंाग बाय कि रेलवे फाटक बनवाए जाए।
अनमोल, राजा, झुरईदास बताइन कि पचासौ साल से ज्यादा होई जात बाय रेलवे लाइन बने आज तक अरियावना गंाव मा जाए खातिर सड़क पै फाटक नाय लाग बाय। जेहि कारण से हर साल एक न एक घटना घटि जाथै। 10 जुलाई 2014 कै झुरई के महतारी कै यही स्थान पै ट्रेन दुर्घटना मा मउत होइगै है। अरियावना, बनगंाव जइसन लगभग दर्जनौ गंाव कै मनईन कै आवा जाही रहा थै सब रेलवे पटरी पार कइके आवत जाथिन।
सभाजीत बताइन कि साइकिल तौ कउनौ तरह उठाय के पार कई मिल जाथै। मोटर साइकिल नघावै मा नेकुरन चना चबाय का पराथै। गाड़ी वही पटरी के बीच मा फंस जाथै जल्दी नघाय नाय मिलत। कभौं-कभौं डर लागाथै कि गाड़ी नघावै मा ट्रेन आय न जाए। अगर रेलवे फाटक बनि जात तौ ई दिक्कत न हुवत। यतना तौ जान मिलत कि ट्रेन आवै वाली बाय।
अकबरपुर स्टेषन अधीक्षक एस.एन. सिंह बताइन कि यकरे बारे मा रेल अधिकारी का जानकारी दिया गै बाय। जब वहि से आदेष होये बजट पास होये अउर जांच कै जाये तौ वकरे बाद रेलवे फाटक बनवाय जाए।