खबर लहरिया ताजा खबरें राशन कार्ड बनें मे मचो हड़कम्प

राशन कार्ड बनें मे मचो हड़कम्प

राशनकार्ड आॅनलाइन खा लगी भीड़

राशनकार्ड आॅनलाइन खा लगी भीड़

महोबा जिला में ई समय राशन कार्ड बने को काम बोहतई जोर-शोर से चलत हे। आदमियन को आरोप हे कि फारम भरे के नाम से वसूली करी जात हे। फारम रूपइयन में देत हे, दूसरेन से भरवाये पे दलाली करी जात हे।

बेलाताल कस्बा के ईश्वरी देवी, नौनीबाई,मिजाजी लाल ओर जमुना ने बताओ कि राशन कार्ड बने को एक साल से काम चल हे। हर दइयां हमाये राशन कार्ड फारम रद्द कर दये जात। ई दइयां ओरतन के नाम राशन कार्ड बनाये जात हे। नेट मे आनलाइन करायें को सौ रूपइया ले लेत हे। कबरई कस्बा के रामसेवक, फुलारानी जानकी, शिवदेवी ओर बिहारीलाल ने बताओ कि कोटेदार हमखा सही जानकारी भी नई देत हे। गांव के ज्यादातर आदमी बाहर मजदूरी करन गये हे। पेहले से कोनऊ जानकरी नई दई जात हे। ई दइयां दसन साल के बाद राशनकार्ड बनत हे। जीखे राशन कार्ड न बनहे तो पता नई कित्ते साल खा फुरसत हो जेहे।

जिलापूर्ति विभाग के अधिकारी कमलेश ने बताओ कि अब ए.पी.एल. सूची हटा के बी.पी.एल. कर दई हे। एई से दुबारा राशन कार्ड बना के आॅनलाइन कराये जात हे।