खबर लहरिया चित्रकूट राजापुर क़स्बा में पिछले 20 सालों से खुले में में जमिन पर रखा है ट्रांसफर्मर

राजापुर क़स्बा में पिछले 20 सालों से खुले में में जमिन पर रखा है ट्रांसफर्मर

जिला चित्रकूट, ब्लाक रामनगर, क़स्बा राजापुर बीस साल से जमीन मा खुला बिजली के तीन ट्रांस्फारमर रखे हवै जेहिसे अबै तक कइयौ घटना घट चुकी हवै। बिजली विभाग का कइयौ दरकी दरखास दे के बाद भी सुनवाई नही भे आय। या समस्या चित्रकूट जिला ब्लाक रामनगर क़स्बा राजापुर के आय।
ट्रांस्फारमर के बारे मा रमेश तिवारी बतावत हवै कि रामलीला मैदान मा खुले मा ट्रांस्फारमर रखा हवै कुछौ दिना पहिले एक गाय करेन्ट लागे से मर गे हवै। अब तौ पन्द्रह दिना बाद रामलीला आवै वाला हवै। तौ कसत मड़ई करेन्ट से बचिहैं।
लवकुश मिश्रा कहत हवै कि पानी बरसे के कारन जमीन मा करेन्ट फइल सकत हवै। काहे से बरसात का समय आय सगले पानी भरा रहत हवै।
किशन वर्मा का कहब हवै कि सबसे ज्यादा खतरा छोट छोट बच्चन अउर जानवरन का हवै बीसन साल से खुले मा ट्रांस्फारमर रखा हवै। जाली अउर दरवाजा नहीं लाग आहीं।
कइयौ दरकी विभाग वालेन राजापुर विजली विभाग के जेई परमेश्वर प्रसाद कहत हवै कि कांट वाली तार तीनों जघा के ट्रांस्फारमर मा लगवा दीन गे हवै। जबै सरकार कइत से बजट आ जई। तबै जाली अउर दरवाजा लगवा दीन जई।

रिपोर्टर- सहोद्रा

27/09/2016 को प्रकाशित