रसोइया कै नाय आय पैसा

जिला फैजाबाद, ब्लाक तारुन, पूर्व माध्यमिक विद्यालय हैदरगंज द्वितीय। हिंआ प्राथमिक अउर पूर्व माध्यमिक विद्यालय दुइनौ स्कूल कै पैसा पांच महीना से नाय आय बाय। जेसे उनके सबकै कउनौ खर्चा नाय चलि पावत बाय। खाता मा पैसा भेजै कै करिन मंाग।
खाना बनावै वाले संतोषी, मायावती, लक्ष्मी, जग्गी, सुमन बताइन कि हमरे सबकै पांच महीना से पैसा नाय आय। जबकि बीच मा पूरा जून माह बन्द रहाथै। जुलाई मा फिर खुला लकिन जुलाई के पहिले कै पैसा नाय मिला। तबसे केतना त्यौहार बीत गै त्यौहार मा हमरेव सबका खर्चा लागाथै। जउने के मारा हमरे सब काम करी थी कि ज्यादा नाय मिलत तौ एक हजार मिलाथै उहै ठीक बाय। लकिन बराबर हर महीना मिल जाए तौ ठीक रहै। अबकी तौ पांच महीना होइगा नाय आय। न तौ वेतन बढ़त बाय न ही हर महीना मिलै। अबहीं तक प्रधानाध्यापिका मनोरमा के खाता मा आवत रहा लकिन हमरे सब चाही थी कि हमरे खाता मा पैसा आवै।
अपर बेसिक षिक्षा अधिकारी गयाप्रसाद बताइन कि खाता कै लिस्ट षासन का भेज दीन गै बाय। जुलाई महीना से पैसा रूका बाय। आये तौ सबके खाता मा आये।