खबर लहरिया औरतें काम पर रपट लिखैं के मांग

रपट लिखैं के मांग

चन्दी देवी

चन्दी देवी

जिला बांदा, ब्लाक नरैनी, गांव बरसडामानपुर। हेंया के चन्दी देवी बतावत है कि लगभग दुई महीना पहिले भे मारपीट मा आज तक रपट नहीं लिख गे आय। रपट लिख के दोषिन के खिलाफ कारवाही करैं खातिर चन्दी देवी 3 फरवरी 2014 का डी.एम. अउर एस.पी. का दरखास दिहिस है।
दलित चन्दी देवी का कहब है-“बरसड़ा गांव का रहैं वाला कल्लू लोधी पुरान दुश्मनी का लइके 18 दिसम्बर 2013 का भैंस खेत मा जाय के बहाने से मारपीट करिस। मोर बायें हाथ के कलाई के हड्डी टूट गे है। बचावैं आई मोर बिटिया अउर मनसवा का जाति सूचक गाली दिहिस। तमंचा लगा के धमकी दिहिस कि अगर कउनौ कारवाही करिहौ तौ जान से हाथ धोइहौ। लिखित दरखास करतल चैकी का दीनेंव। नरैनी कोतवाली का भी दरखास दीनेंव। मोर रपट नहीं लिख गे। हाथ का एक्सरा करायेंव तौ वहिके रिपोर्ट भी बेगैर रपट लिखे डाक्टर नहीं देत। या मारे अब आपन जान का खतरा बचावैं अउर रपट लिखैं खातिर डी.एम. अउर एस.पी. का दरखास दीने हौं।”
कल्लू कहिस कि चन्दी देवी मोर खेत से रास्ता निकारैं चाहत है। नरैनी कोतवाली एस.ओ. अजय कुमार सिंह का कहब है कि चंदी देवी के रपट नहीं लिख गे आय। वहिके मामला मा छानबीन चलत है। एस.पी. अरविन्द सेन कहत है कि या मामला के छानबीन नरैनी पुलिस करत है। छानबीन के आधार मा कारवाही कीन जई।