मेहरारू के साथै करत मारपीट

जिला फैजाबाद, कस्बा रामपुरभगन। हिंआ के एक मेहरारू का मार के घर से निकार दियै के आरोप मा ससुर अउर देवर का चैकी कै पुलिस गिरफ्तार कइके जेल भेज देहे रहे। जेल से छूटै के बादौ कराथिन मारपीट।
मेहरारू बताइस कि शादी के दुई महिना के बाद मारै लागिन। हमार शादी 2001 मा भै रही। हमार पिताजी अयोध्या प्रकाश सोनी दहेज नाय दै पाये रहिन। हम कइयो बहिन हई। दारू, गांजा पीके हमार पति हमैं माराथिन। 2001 से हम सात बार थाना मा अप्लीकेशन दइके आयन।
महिला थाना मा कइव बार अप्लीकेष दिहे रहेन तबौ कउनौ सुनवाई नाय भै। हमार पति तलाक मांगत रहे। हम कहेन कि जब हमरे दुई गेदहरा होय जाये तौ हम तलाक दियब। जब हमरे बेटवा होइगा तौ तलाक नाय दिहिन अउर अब रोज षराब गांजा पीके हमका माराथिन। हम थाना मा रिपोर्ट लिखावै जाई थी तौ जवन कागज हमरे पास रहाथै वका हमार पति फाड़ के फेक दियाथिन।
जेठ, देवर, ससुर सब माराथे। जेठ गाली दियाथे। ससुर ओमप्रकाष सोनी कहिन कि दुई जने कै झगड़ा के सुलझावै। अपने झगड़ा मा हमहूँ का षामिल कै लिहिन। यही से हमरे सबका जेल जाय का परा।
चैकी कै इन्चार्ज अन्जेश सिंह बताइन कि हिंआ कउनौ रिर्पोट नाय दर्ज बाय। एक बार अपने पिताजी का लइके आय रहिन तौ उनके घर वाले 151 धारा मा गिरफ्तार भा रहे। तारून थाना कै दीवान बताइन कि अबहीं दुई महीना के अन्दर कउनौ रिपोर्ट नाय आय बाय। 10 अपैल 2014 का आय रहिन तौ उनके बयान पै ससुर ओमप्रकाश सोनी पति अरूण कुमार सोनी अउर देवर का गिरफ्तार कै गा रहा।