जिला चित्रकूट, ब्लाॅक मऊ, कस्बा बरगढ़। हिंया सचिवालय मा 12 जून का मड़इन के समस्या का लइके मीटिंग कीन गे। मीटिंग मा लगभग सौ मड़ई शामिल रहैं।
कस्बा के सुजीत जायसवाल, अउर खोहर गांव के कलावती का कहब हवै कि गांव के रहै वाले लोगन का हरतान के समस्या से जूझै का परत हवै। या समय सबहिन से ज्यादा मड़इन के राष्ट्रीय खाद्य सुरक्षा अधिनियम के तहत राशन कार्ड नहीं बने आय। जबैकि उंई लोग पात्र मड़ई आहिन। दूसर बात मड़इन के जानवरन खातिर भूसा के समस्या का भी ढेलै का परत हवै। या गांव मा ज्यादातर गरीब अउर दलित बस्ती मा लोगन का पियै खातिर पानी के सुविधा नहीं आय।
सचिव रामलाल मिश्रा का कहब हवै कि दलित बस्ती मा पानी के व्यवस्था जल्दी कीन जई।
रिपोर्टर – सुनीता देवी
