खबर लहरिया सीतामढ़ी मिल के न मिलल राशन

मिल के न मिलल राशन

जिला सीतामढ़ी, प्रखण्ड रीगा, पंचायत हवाजपुर, गांव खरसान। उहां वार्ड नम्बर नौ के नन्दु ठाकुर के राशन  कार्ड मिलल हई। लेकिन लगभग चार बेर से राशन  न मिलई छई।

नन्दु ठाकुर कहलथिन कि हमरा पहिले लाल कार्ड रहलक। अबकी बेर भी राशन  कार्ड मिलल। जेइ पर लगभग तीन बेर राशन  देलथिन लेकिन फरवरी से राशन  न मिलईय। हमरा सब के पास एक धुर जमीन न हई। दोसर के खेत बर बटइया क के कमाई खाई छी। डीलर के कहई छी त कहई छथिन उपरे से न अबइय त कहां से दिउ। राशन कार्ड पर नौ आदमी के नाम हय सब के जोड़ के राशन  मिल जाइत रहलक। लेकिन अब मिल के न मिलईय।

प्रखण्ड आपुर्ति कार्यालय के पदाधिकारी विकास रंजन कहलथिन कि नया वाला कार्ड जे कार्तिक महिना में मिललई। ओकर आवटन अभी न आ रहल हई। जेइ कारण राशन न मिलई छई। इ समस्या प्रखण्ड में एक सौ साठ कार्डधारक के हई