खबर लहरिया औरतें काम पर मिट्टी कै तेल डाली कै जलावै कै आरोप

मिट्टी कै तेल डाली कै जलावै कै आरोप

Ambedkar Nagar - Akbarpur Thana webहिआं 24 मार्च 2015 कै दहेज खातिर पचीस साल के मेहरारू का जलावै कै आरोप बाय। जेहमा पति अउर ससुराल वाले के खिलाफ केस दर्ज भै बाय।
जलालपुर गांव के मृतका कै भाई रवि गुप्ता बताइन कि हमरे बहिन कै षादी 2008 मा बहोरिक पुर गांव मा लालू प्रसाद के साथे भै रही। तीन चार साल तौ सही सलामत सब रहिन। बाद मा एक साल से दहेज खातिर परेषान करत रहिन। कहत रहिन कि अपने पिता से दुई लाख रूपया मांग के लावा। रूपया कै मांग न पूरी करै से मारत पीटत रहिन। अगर यतना दहेज कै मांग रही तौ षादी के पहिले बतउते। नाहीं तौ हमरे सबसे कहते। उनकै मांग पूरी कै पाइत तौ अपने बहिन कै षादी करित। नाहीं तौ दुसरी जगह करित। लकिन दहेज के ताई हमरे बहिन कै जान लै लिहिन।
24 मार्च का हमरे पास फोन आय कि तोहार बहिन जलि गै हईन। तुरन्त अपने चाचा अउर गांव के दुई चार जने का लइके गयेन तौ पता चला कि जिला अस्पताल लइगै हईन। जब जिला अस्पताल पहुंचेन तौ हालत गम्भीर रहा हमार बहिन खुद बताइस कि हमार पति अउर ससुराल वाले मिट्टी कै तेल डारके जलाय दिहिन। डाक्टर हालत गम्भीर देखके फैजाबाद रिफर कै दिहिन। फैजाबाद लै जात समय रास्ते मा मउत होइगै। अकबरपुर थाना कोतवाली मा ससुराल पक्ष के खिलाफ केस दर्ज कराये हई।
थाना कोतवाली कै प्रभारी निरीक्षक ओ. पी.षर्मा बताइन कि मृतका के भाई रवि गुप्ता के तहरीर पै पति लालू प्रसाद ससुर सास, ननद के खिलाफ केस दर्ज भै बाय। धारा 498 ए/304 बी लाग बाय।