मास्टर धरना कइके करिन मांग

जिला बांदा। उत्तर प्रदेशीय प्राथमिक संघ के लगभग एक सैकड़ा मास्टर 30 जनवरी का सोलह सूत्रीय मांगन का लइके अशोक लाट तरे एक दिन का धरना प्रदर्शन करिन। डी.एम. के जरिए मुख्यमंत्री का ज्ञापन सौंपिन।
संघ के जिलाध्यक्ष राजकुमार सिंह पटेल का कहब है कि 2008 मा लागू नियम के हिसाब से वेतन दीन जाए, पुरान पेंशन लागू कीन जाए, मास्टरन के मृतक आश्रित का नौकरी मिलै, ग्रह जनपद मा मास्टरन के ड्यूटी लगाई जाए, सरकारी अन्य कामन मा ड्यूटी ना लगाई जाए, मिड्डे मील मा दूध दें के व्यवस्था हटाई जाए, सरकार का मैसेज दइके बच्चन के उपस्थिति बतावैं के व्यवस्था बंद करैं। जइसे के अउर भी मांगैं पूरी कीन जाय। यहिके खातिर हम धरना प्रदर्शन कीन है।
डी.एम. सुरेश कुमार का कहब है कि उंई उनके मांग का मुख्यमंत्री तक पहुंचा देहैं।