जिला चित्रकूट, ब्लाक कर्वी, मुहल्ला संतोषी माता हाता खटकाना। हिंया के राजमनी का आरोप हवै कि 25 जून 2015 का वहिका मनसवा मार के घर से निकार दिहिस हवै। कर्वी कोतवाली मा दरखास दइके कारवाही के मांग करिस हवै।
राजमनी का कहब हवै कि वहिका मनसवा जुआं खेलत हवै अउर खूबै दारू पियत हवै। वा मजदूरी कइके आपन बच्चन का पालत हवै। मजदूरी के रुपिया जुआं खेलै अउर दारू पियै का मांगत हवै। न दंे मा बहुतै मारत हवै अउर गली देत हवै। तीन महीना पहिले जुंआ खेलै खातिर रूपिया मांगत रहै न दंे मा वा मोर खपड़ी फोड़ डारिस हवै अउर बाल पकड़ के घर से घसीट के रात मा निकार दिहिस रहै। दुबारा रुपिया मांगै मा 25 जून 2015 का मारिस हवै। मैं कर्वी कोतवाली मा दरखास दे गई रहौं तौ होंआ के पुलिस मोर समस्या न सुनके मोर मजाक उड़ावत रहै। अउर कउनौ कारवाही नहीं करत है। इनतान से मोरे साथै मा हिंसा करै मा वहिका अउर बढ़ावा मिलत हवै।