खबर लहरिया बुंदेलखंड महोबा जिले के रावतपुरा गाँव में टूटी फूटी है सड़क

महोबा जिले के रावतपुरा गाँव में टूटी फूटी है सड़क

जिला महोबा, ब्लाक जैतपुर, गांव, रावतपुरा के आदमियन की समस्या हे के सड़क जो हे बो सात किलो मीटर की हे। लेकिन टूटी फूटी हे जीके मारे आदमियन को स्वस्थाय शिक्षा जैसी जरुरी चीजन से भी दूर रहने परत। आदमी परेशान हे लेकिन प्रशासन सो रई।
राजकुमारी ने बताई के शौचालय की परेशानी हे अस्पताल की परेशानी हे कछु साधन नइया अगर कोऊ की साईकिल या मोटर साईकिल मिल जात तो बई से चले जात नइ तो घर में ही बीमार डरे रत। अब हर आदमी के पास नइया गाडी वाहन तो बो अपने घर ही बीमार डरो रत या फिर कोऊ की मांग के ले जात अगर तबियत खराब हे।
सुमन ने बताई के साईकिल से भी जात पैदल भी जात संग मिल जात तो जात अकेले नइ जात जंगल परत बीच में। अगर सड़क बन जाए तो टैक्सी, बसे चलन लगे पुलिस चौकी वाहन हर चीज की सुविधा हो जेहे।
हरदवाल ने बताई के जा समस्या भोत दिनन से हो रई लेकिन जाको समाधान नइ हो पा रओ जो सड़क कुलपहाड़ से आई और स्टेशन की जोन लाइन हे बाके नेक आगे ग्राम पंचयात की जमीन हे और वन विभाग की भी जमीन हे।
जासे वन विभाग द्वारा जो सड़क नइ बनाई जा रई। हम ओरन ने लखनऊ तक सूचना भेज दई हमाई इच्छा हे के बन जाबे।

रिपोर्टर- श्यामकली

Published on Jan 10, 2017