मनावा गै वजन दिवस

जिला फैजाबाद, ब्लाक तारुन। हिंआ के आंगनबाड़ी केन्दन पै 7 सितम्बर का वजन दिवस मनावागै। 0 से 5 साल तक कै कुपोषित गेदहरै चिन्हित कीन गये।
प्राथमिक विद्यालय दादंूपुर मा सुबह साढ़े नौ बजे तक तेरह गेदहरन कै वजन भै। जेहमा पांच गेदहरै कुपोषित मिले। आंगनबाड़ी सुशीला सिंह अर्चना तिवारी अउर आशाकार्यकत्री सुशीला बताइन कि एक दिन पहिले आशाकार्यकत्री अउर प्रधान डुग्गी पिटवाये रहे। फिर आज वजन कीन जात बाय। गेदहरन कै सामान्य वजन चैदह किलो हुवय का चाही। वही। प्राथमिक विद्यालय ऊंचगंाव मा 10 बजिके 10 मिनट तक तीस गेदहरन कै वजन भै। जेहमा से चार गेदहरा कुपोषित (पीली धारी) अउर दुई अति कुपोषित (लाल धारी) कै मिलिन। चैबिस गेदहरा सामान्य रहिन।
मुख्य सेविका (सुपरवाइजर) सुमन वर्मा अउर आंगनबाड़ी सहायिका नीतू वजन करिन। अउर बताइन कि अबहीं गेदहरन कै वजन कइके लिस्ट भेजै का बाय। यकरे बाद कवन सुविधा गेदहरन का मिले यकै जानकारी नाय मिली बाय।