खबर लहरिया ताजा खबरें मनरेगा में मनमानी

मनरेगा में मनमानी

DSC01772

काम करई मनरेगा मजदुर

जिला शिवहर,प्रखण्ड पिपराही, गांव धनकौल। इहां  13 दिसम्बर 2013 के एस.डी.ओ मनरेगा के काम के . जाँच कलथिन। जइमें लगभग दु सौ मनरेगा मजदूर के मजदूरी  मुखिया गलत तरिका से  निकासी क लेले छथिन।
इहां के फुलझर देवी, हसिना खातुन, सीता देवी, छोटन सहनी, देवी सहनी कहलथिन कि हमर सब के केकरो दू महिना के त केकरो चार महिना के मजदूरी बाकी है। जब मुखिया से मांगे जाई छी त आई बिहान करई छथिन।
मुखिया देवनारायण साह कहलथिन कि मजदूर सब के रूपईया दूसरे-दूसरे काम में खर्च हो गेलई ह। जेई कारण हमरा उपर लगभग बीस से बाईस लाख रूपईया गिरई छई। बड़का पंचायत होय के कारण काम में बेसी खर्च हो गेल हई। दु से तीन महिना में सब के मजदूरी मिल जतई।
एस.डी.ओ. बारिष खान कहलथिन कि हमरा सुचना मिलल रहे कि उहां के मजदूर के  रूपईया के गलत निकासी कयल गेल हई। हम लोग के पासबुक भी देखली जे सही हई कि उनका पासबुक से रूपईया निकासी कयल गेल हई। अभी जाँच के रिपोर्ट न आयल हई।