खबर लहरिया सीतामढ़ी भवन तईयार हई खुलतई कहिया

भवन तईयार हई खुलतई कहिया

बनल आंगनबाड़ी केन्द्र के भवन

बनल आंगनबाड़ी केन्द्र के भवन

जिला सीतामढ़ी, प्रखण्ड रीगा, पंचायत सिरौली द्वितिय, गांव समोधि टोला। उहां वार्ड नम्बर एक में आंगनवाड़ी भवन बन के तईयार हई। मगर सेविका, सहायिका न हई जेई कारण भवन बंद हई।
उहां के लोग धर्मेन्द्र कुमार, रविन्द्र पटेल, सीता देवी कहलथिन कि इहां आंगनवाड़ी भवन बन के तईयार हई मगर सेविका, सहायिका चयन न होयल हई। भवन तईयार करके ताला लागल हई। सरकार भवन बना देई छथिन। मगर बहाली के सूचना न देई छथिन। केन्द्र चालू न रहे के कारण हमरा सब के बच्चा अउर गर्भवती महिला, किशोरी के पोषाहार न मिल रहल हई। विभाग के लोग भी ऐई पर ध्यान न देई छथिन। मुखिया विश्वनाथ भगत कहलथिन कि अभी सेविका, सहायिका बहाल करे के कोई सूचना हमरा पास न आयल हई। भवन बन के तईयार हई। बहाली के प्रक्रिया विभागीय लोग के उपर हई।
समेकित बाल विकास परियोजना के पदाधिकारी अंजू कुमारी कहलथिन कि जिला से चिठ्ठी अतई तब उहां पर सेविका,सहायिका बहाल के प्रक्रिया कयल जतई।