खबर लहरिया औरतें काम पर भर्ती होंय के बाद भी नई मिलो पलंग

भर्ती होंय के बाद भी नई मिलो पलंग

अस्पताल में लेटी आरती

अस्पताल में लेटी आरती

जिला महोबा, ब्लाक कबरई, गांव मकरबई। एते की आरती कुशवाहा 12 अगस्त 2013 खा डिलेवरी करायें आई हती। जीखी जांच करें ओर भर्ती होय के बाद भी पलंग नई मिलो। जीसे ऊ पीरा से परेशान होके इमरजेन्सी गेट के बगल में परी हती।
आरती ने बताओ कि मोओ पेट पिरात हतो, जीसे आशाबहू लेवा के आई हती। मोई जांच हो गई हे, ओर भर्ती करें खा कहो हे, पे आशा गांव की ओर ओरतन खा लेवा के आई हे। जीसे ऊखे टीका करायें में लगी हे। मोओ पेट पिरात हतो ओर पलंग नई मिलो। जीसे में परेशान होके जमीन में पर गई हों। आशाबहू रमा ने बताओ कि अभे ऊखे खून की जांच होंय खा हे। एई से अभे ऊखे पलंग में भर्ती नई करो हे।
मुख्य चिकित्सा निरिक्षक डाक्टर सविता ने बताओ कि अभे तक हमाये एते ऊखो कोनऊ पर्चा नई आओ हे। अगर पर्चा हमाये एते आओ होतो तो जरूर पलंग दिबाओ जातो। अगर हमाए एते कोनऊ न आहे तो हमें बाहर की जानकारी पता नइयां की का होत हे का नई होत हे।