खबर लहरिया फैजाबाद ब्लाक कै षौचालय खराब

ब्लाक कै षौचालय खराब

kasba (3)finalजिला फैजाबाद, ब्लाक मया। ब्लाक कै सार्वजनिक षौचालय तीन चार साल से खराब होइगै बाय। लकिन आज तक वकै मरम्मत नाय भै। अउर न दूसर बनत बाय।
अमसिन के रामअंजोर बताइन कि हमरे सब ब्लाक पै पांच साल से ज्यादा होय जात बाय आवत जात हई लकिन आज तक हिंया के षौचालय कै मरम्मत नाय भै। कृष्ण कांत, असर्फीलाल बताइन कि ब्लाक से ही हर गांव का षौचालय पास हुआ थै लकिन केवल एक षौचालय ब्लाक पै नाय बनवाय पावत हइन। हर रोज ढ़ाई तीन सौ मनई आवाथिन। हिंआ के कर्मचारी का अपने कमरा या मैदान जाए का पराथै। जब बी.डी.ओ. से कहाथिन कि षौचालय बनि जाय तौ ब्लाक प्रमुख सहमत नाय होते। काहे से ब्लाक प्रमुख और बी.डी.ओ. कै ज्वाइंट खाता रहाथै। बिना दुइनौ जने के अनुमति कै पैसा नाय निकर सकत।
बी.डी.ओ. महेन्द्र देव बताइन कि ब्लाक कै बाउन्ड्री षौचालय छत निर्माण के ताई क्षेत्र पंचायत कार्य योजना बनायके सी.डी.ओ. का भेज दीन गै बाय। अगले महीना तक पैसा आय जाए कै उम्मीद बाय। फिर काम षुरू कराय जाये।