बी.पी.एल. लिस्ट मा नाम चढ़ावैं के मांग

जिला बांदा, ब्लाक बड़ोखर खुर्द कस्बा मटौंध मोहल्ला चांदन थोक वार्ड नंबर तीन। हेंया का दीनदयाल 3 अगस्त का मण्डला आयुक्त कल्पना अवस्थी का दरखास दइके बी.पी.एल. लिस्ट मा नाम चढ़ावैं के मांग करिस रहै।

दीनदयाल का कहब है-“मैं दलित जाति का मजदूर भूमिहीन गरीब हौं। मोर बी.पी.एल. लिस्ट मा नाम न होय से राशन कार्ड नहीं बनत आय। मैं कइयौ दरकी आवास, राशन कार्ड अउर समाजवादी पेंशन के मांग करेंव तौ नहीं बनत आय। मैं चाहत हौं कि मोर जांच कई लीन जाय। पता चल जई कि मैं केतना गरीब हौं। जेहिसे मोर नाम बी.पी.एल लिस्ट मा चढ़ जाय। जबै मण्डलायुक्त का दरखास दीनेंव तौ उंई कारवाही का भरोसा दिहिन रहैं।” वार्ड नंबर तीन का सदस्य राजकरन वर्मा का कहब है कि दीनदयाल का नाम बी.पी.एल. लिस्ट मा चढ़वावैं का परी तबै वहिके नाम राशन कार्ड बनी। लिस्ट मा नाम चढ़ावैं का काम मार्च मा कीन जात है वा मार्च मा आपन नाम चढ़वा ले।