बीस साल से नहीं बदले गए जर्जर तार, बाँदा जिले में किसी बड़ी दुर्घटना को दे रहे बुलावा

बिजली का लइके चुनाव के समय बहुतै वादा कीन गें रहै, जेहिमा मुफ्त बिजली, घर-घर बिजली दे का वादा रहै अउर सौभाग्य योजना भी चलाई गें है पै बांदा जिला के बिजली खेड़ा मुहल्ला मा बिजली के तार बीस साल से जर्जर पड़े हैं, यहिके कारन आये दिना घटना होत रहत है, पै विभाग ध्यान नहीं देत आय।
सहोद्रा का कहब है कि बरसात के मौसम मा छत मा करेंट आ जात है जेहिसे बच्चन के जान जा खतरा बना रहत है। घनश्याम बताइस कि बच्चा अउर जानवरन के जान का बहुतै खतरा है। सुदामा का कहब है कि करेंट से एक जानवर मर गा रहै तौ रुपिया दइ के फेंकवावा है। बबिता का कहब है कि हमार मुहल्ला मा दूसर तार लाग जायें तौ सुविधा होई जायें।
उपखंड बिजली विभाग के अधिकारी हिमांशु यादव का कहब है कि जर्जर तार का स्टीमेट बना के दई दीन जई, तार जल्दी बदले जइहैं।

रिपोर्टर- गीता देवी