बाहुबली विधायक मुख्तार अंसारी को बांदा जेल में पड़ा दिल का दौरा

9 जनवरी का बांदा जिला के जेल मा बंद बहुजन समाज पार्टी का विधायक मुख़्तार अंसारी का दिल का दौरा पड़ है। तबै वहिका जिला अस्पताल मा भर्ती करवा गा है। कइयौ मामला का लइके मुख़्तार अंसारी मंडल कारागार मा बहुतै दिन से जेल मा बंद रहै। जेल मा वहिके मेहरिया वहिसे मिले आई रहै, तबै अचानक वहिका दिल का दौरा पड़गा है। मुख़्तार अंसारी के हालत देखके वहिके मेहरिया चिल्लाय लाग फेर बेहोश होइ गें है।
जिला अस्पताल के ह्रदय रोग विशेषज्ञ डाक्टर के एल पाण्डेय का कहब है कि मुख़्तार अंसारी का ब्लडप्रेशर, शुगर के बीमारी है। यहै कारन वहिका दिल का दौरा पड़ा है। वहिके मेहरिया सदमा लागे के कारन बेहोश होइगे है। दूनौ का इलाज चलत है। मुख़्तार अंसारी के हालत खराब है।

रिपोर्टर-गीता और शिवदेवी

Published on Jan 9, 2018