बाल विकास परियोजना आफिस कै मांग

जिला फैजाबाद, ब्लाक मया, ग्रामसभा बरईपारा। हिंआ आंगनबाड़ी केन्द्र एक महीना से बाल विकास परियोजना आफिस मा बना बाय।
कार्यकत्री षिवकुमारी बताइन कि हम अब आपन सेन्टर अपने घरे चलावत हई। काहे से कि आंगनबाड़ी केन्द्र पै आफिस चलत बाय।
सुपरवाइजर रंजना श्रीवास्तव अउर सी.डी.पी.ओ. सरोजनी जोसी बताइन कि हमरे सब पन्द्रह सालन से यहर-वहर झेलत हई। कइव बार ब्लाक बी.डी.ओ. से कहेन हमरे सबके खातिर जगह दै दिया लकिन बनवाइन नाय। पहिले सामुदायिक स्वास्थ्य केन्द्र के पास रहा फिर मयारामपुर भै दुई साल से किराया कै मकान लइके रहत रहेन। अब उहौ खाली कराय लिहिन। सब जगह ब्लाक पै बाल विकास आफिस बाय। खाली यहीं नाय बना बाय। हमरे सबका दर-दर भटकै का परत बाय। हमरे सबके खातिर ब्लाक मा रहै खातिर जगह नाय बाय।
बी.डी.ओ. महेन्द्र देव बताइन कि बाल विकास आफिस की खातिर जगह ढ़ूढ़त हई जैसे मिल जाये तुरन्त बनै लागे।