बारिश के मौसम में जब घर ना हो, तो क्या होता है? प्रधान मंत्री आवास योजना फेल, इस बार फैजाबाद में

जिला फैजाबाद, ब्लाक मया, क़स्बा शिवनगर कालोनी शिवनगर कालोनी मा रहै वाले मनई कालोनी न मिलै से परेशान अहैं। अउर परेशान काहे न हुवय उनके घर मा थोड़ी सी बारिश मा घुटना तक पानी भर जाथै। अउर तौ अउर जउने दिन बारिश हुआथै इनके सबके घरमा चूल्हा जलब मुश्किल होय जाथै।जिला फैजाबाद, ब्लाक मया, क़स्बा शिवनगर कालोनी शिवनगर कालोनी मा रहै वाले मनई कालोनी न मिलै से परेशान अहैं। अउर परेशान काहे न हुवय उनके घर मा थोड़ी सी बारिश मा घुटना तक पानी भर जाथै। अउर तौ अउर जउने दिन बारिश हुआथै इनके सबके घरमा चूल्हा जलब मुश्किल होय जाथै। कुशुम कै कहब बाय की घर मा पानी भर जाथै काछे का पराथै। रोली कुमारीपानी बरसा थै तौ हमरे रात भर जागी थी। सुबह जब खाना बनावै जाय तौ पता चलाथै कि चूल्हा के पास पानी टपकत बाय। जब बारिश बंद होय जाथै तौ खाना बनाथै। कुशुम कै कहब बाय की दादा बाबा ख़तम होय गए हमरेव् सबके जमाना बीत जात बाय लकिन कालोनी नाय मिली। जब बरसात हुआथै तौ सामान ठेला पै भरके रखा जाथै। जेतना ठेला मा आवाथै बाकी सब भीग जाथै।  उत्तर-प्रदेश सरकार गरीबन के ताई प्रधान मंत्री आवास योजना चलाई। जेकै लाभ गरीबन का निशुल्क दिया जाथै। ई सोचके शिवनगर कालोनी कै मनई कइव बार फ़ार्म भरिन। लकिन अबहीं तक येहि लाभ से वंचित अहैं।  निन्हका देवी कै कहब बाय की घर के ऊपर पन्नी डारे हई। तब भी पानी टपकत बाय।कउनौ सुनवाई नाय हुवत। घर मा कमाय वाला केहू नाय बाय। एक लड़का बाय जब मजदूरी मिलाथै तब कै लियाथे नाहीं तौ बैठा रहाथे। घर मा चूल्हा जलब मुश्किल होय जाथै। देशराज चौधरी सभासद कै कहब बाय की कालोनी के विषय मा डूडा बिभाग के अधिशासी अधिकारी से बात किहे रहेन तौ वै कहिन की पहली क़िस्त जारी कै दीन गए बाय। दूसरी क़िस्त मा जवन कमी रहि गए बाय होय सकाथै सर्वे मा छूटगा हुवय।या कुछ मनई कै पता ना ढूढ़ पाये हुवय या केहू से मिला न हुवय येही कारण से रुका हुवय।जब तक ई कन्फर्म नाय होय जात तब तक ई कहब मुश्किल बाय की कउनौ कारण से कालोनी रुकी बाय। या फिर कैंसिल होयगए बाय। काहे से एस कउनौ नोटिस बोर्ड पै चस्पा नाय बाय की कैंसिल होय गए बाय।

रिपोर्टर- संगीता

Published on Jul 24, 2017