खबर लहरिया बाराबंकी बाराबंकी जिले के पचारुआ गाँव में राशन का ना कोई टाइम ना हिसाब

बाराबंकी जिले के पचारुआ गाँव में राशन का ना कोई टाइम ना हिसाब

जिला बाराबंकी, ब्लॉक हैदरगढ़, गांव पेचरुआ के मनई कै आरोप बाय कि कोटेदार समय पै पूरा राशन नाय देते। वही कुछ मनई के पास राशन कार्ड नाय बाय। प्रधान भी हमरे सबकै नाय सुनते।कोटेदार अमित मिश्रा येहि सब आरोप का झूठ बतावाथिन।उनकै कहब बाय की कउनौ महीना कम राशन आवाथै तौ वहि महीना सबका दिये का हुवाथै तबै राशन कम दीन जाथै।
पेचरुआ गांव कै रहै वाली रामपियारी कै कहब बाय की चार बेटवा अहैं लकिन सिर्फ बड़े बेटवा का राशन कै पर्ची मिली बाय। पचीस किलौ राशन मिलाथै।प्यारेलाल कै कहब बाय कि चावल गेहूं अउर एक लीटर मिटटी कै तेल मिलाथै।केहू पूछाथै तौ कहाथे जवन मिला थै वतना दीन जाथै।रामकली कै कहब बाय की खेती बारी नाय बाय ना ही पेंशन मिलै।
प्रधान कै बेटवा अजय मिश्रा कै कहब बाय कि गांव के केहू मनई कै राशनकार्ड नाय बना बाय।राशन पर्ची जनरेट कईके कोटेदार के माध्यम से दीन गए बाय।जेह्मा प्रधान कै कउनौ रोल नाय बाय। कोटेदार सात या आठ तारीख का राशन वितरण कराथे।अउर अगर केहू लाभार्थी कऊनौ वजह से छूट जाय तौ राशन महीना मा चाहे जब जाय के लै सकाथै। एस व्यवस्था दीन गय बाय।
कोटेदार अमित कुमार कै कहब बाय कि येहि महीना दुई सौ यूनिट कम राशन आय रहा।येहीसे सबके महसे प्रतिशत मा कम कइके दीन गा बाय।

रिपोर्टर- फिजा और नसरीन

13/12/2016 को प्रकाशित