जिला बांदा, ब्लाक नरैनी, गांव नसेनी। हेंया पूर्व माध्यमिक अउर प्राथमिक विधालय मा अबै तक बच्चन का किताब नहीं मिली आहीं।स्कूलन मा अप्रैल से पढ़ाई शुरू है पै किताबें अबै भी बच्चन का नहीं मिली आय। यहिसे बच्चन के महतारी बाप बहुतै परेशान है। हेडमास्टर अख्तर अजीज का कहब है कि एक किताब से बच्चन का घर का नाम देइत है अउर नोट बनवा के पढ़ाइत हैं।
स्कूल के लड़का अर्जुन अउर वीरेन्द्र का कहब है कि अंग्रेजी अउर हिंदी के किताब नहीं मिली आहीं यहै कारन पढ़ाई करे मा बहुतै परेशानी होत है।बच्चन के महतारी तेजा,साबरी अउर जोहरा बताइन कि बच्चन का अबै तक स्कूल मा एक-एक किताब मिली है।मास्टर खालिद खान बताइस कि पचासी बच्चा हैं तौ सबका एक –एक दुइ-दुइ किताब दइ दीन जात हैं।या समस्या के बारे मा बी. एस.ए. बात करै से मना कइ दिहिन अउर उल्टा या खबर का गलत बतावत रहै।
बाईलाइन-गीता देवी
27/10/2017 को प्रकाशित
