जीत के मनावत जश्न
16 मई 2014 का बांदा चित्रकूट लोकसभा चुनाव क्षेत्र से कर्वी के भारतीय जनता पार्टी के उम्मीदवार भैरों प्रसाद मिश्रा का भारी मतो से जीत भे हवै। उनके जीत के खुशी का ठिकाना नहीं रहै। कत्तौ लड्डू बटे तौ कत्तौ उम्मीदवारन के घरन मा सन्नाटा छावा रहै। जीत के खुशी मा शामिल कुछ पत्रकार भैरों प्रसाद से बातचीत करिन।
सवाल- तुम केत्ते वोटो से जीते हौं अउर कुल केत्ते वोट मिले हवंै।
जवाब- मोहिका कुल तीन लाख बयालिस हजार 66 वोट मिले हवंै। जेहिमा मोर जीत एक लाख 15 हजार 78 वोट से भे हवै। मैं बसपा उम्मीदवार आर.के. सिंह पटेल का हराये हौं।
सवाल- तुम चित्रकूट अउर बांदा जिला के कउन मुद्दा मा पहिले काम करिहौं।
जवाब- सबसे पहिले जिला से बाहर जायें वाले मजदूरन का परदेश जाये से रोकिहौं। काहे से मैं खुद बुन्देलखण्ड मा पैदा भा हौं। यहै कारन हिंया के समस्या का समझत हौं।
सवाल- तुम यहिके पहिले केत्ती दरकी चुनाव लड़ चुके हवै।
जवाब- यहिके पहिले दुइ दरकी लोकसभा चुनाव मा खड़ा होइ चुका हौं। एक दरकी भाजपा पार्टी दुसरी दरकी बसपा पार्टी से पै दुनौ दरकी हार गा हवै, पै मैं हार नहीं मानेंव।
सवाल- जिला मा बदमाशन के हाहाकार का कहर बहुतै हवै। यहिसे निपटैं खातिर का करिहौं। का या मुद्दा तुम्हारे खातिर माने रखत हवै।
जवाब- बदमाशन का आंतक तौ पूर बुन्देलखण्ड मा हवै। मोहिसे जेत्ता हाइे सकी मैं खतम करैं के कोशिश करिहौं।