जिला बांदा, ब्लाक बडोखर खुर्द, कस्बा बड़ोखर खुर्द 23 अप्रैल का राम स्वरूप के घर मा आगी लाग गे है जेहिसे दुइ बकरी समेत पूर घर जल गा है अउर बकरी बचावे मा वहिकर लड़का भी जल गा है लड़का अस्पताल मा भर्ती है। आगी लागे का कारन पता नहीं आय।
रामस्वरूप बताइस कि आगी लागे से घर का पूर सामान जल के राख होइगा है हमार पूर गल्ला जेहिमा तीन बोरा गेहूं एक बोरा मसूर1 बोरा मटर रही है सब जल गे है राम स्वरूप के मेहरिया मीरा बता इस कि हमार कउनौ से झगड़ा नहीं रहै पता नहीं कसत आगी लाग को हमार घर जलावा है। पांच बीघा फसल जल के राख होइगे है। सब गल्ला भीतर रखा होइगे। कामता बताइस कि कपड़ा रुपिया अनाज सब जल के राख होइगे है बर्तन सब चुर गे है। बकरी बचावै मा लड़का जल गा है।
पड़ोसिन का कहब है कि राम स्वरूप के घर मा अब कुछौ नहीं बचा आय। कर्जा लइके आपन लड़का के दवाई करावत है। खाना खर्च तक का कुछौ नहीं बचा आय। पड़ोसी सहयोग करत है।
पशु डाक्टर एन. एल. कुशवाहा का कहब है कि बकरिन के पोस्टमार्टम रिपोर्ट बना के तहसीलदार का भेज दीने हौं। जेहिसे दैवीय आपदा का रुपिया मिल सके।
तहसीलदार सुनील कुमार का कहब है कि जउन नुकसान भा है वहिके हिसाब से मदद कीन जई । खाये पिये के व्यवस्था कीन जई।
रिपोर्टर- शिव देवी
Published on Apr 28, 2017
