बाँदा जिले के बंगलन पुरवा में आंगनबाड़ी कार्यकर्ती करती हैं मनमानी

जिला बांदा, गांव बंगलन आंगनवाड़ी केंद्र रोज नहीं खुलत हैं। आंगनवाड़ी अपन मनमानी करत हैं। खबर लहरिया का जबै या बात पता लाग तौ उंई यहिके सच्चाई जाने खातिर मड़इन से बात करिन।
धन्नो नाम के गभर्वती मेहरिया बतावत हैं कि गभर्वती जउन गभर्वती मेहरियन का खाना आंगनवाड़ी का मिलत हैं वा खाना हमें कत्तौ नही मिला आय।
संगीता बतावत है कि खाना तौ कत्तौ नही मिलत हैं। पै कतौ कतौ पंजीरी बस मिल जात हैं। बाजार हाट चले जइत हन तौ हमें पंजीरी भी नहीं मिलत। अब तौ आंगनवाड़ी कहत हैं कि पंजीरी भी न मिली हेंया कउनौ अधिकारी जांच खातिर नहीं आवत है यहै कारन आंगनवाड़ी मनमानी करत हैं।
आंगनवाड़ी केंद्र न खुले से गरीब बच्चन के पढ़ाई का नुकसान होत हैं। आंगनवाड़ी गुंस्सा होइ के खबर लहरिया से बात करे से मना कइ दिहिस है। यहे कारन आंगनवाड़ी से बात नहीं होइ पाई हैं।
कार्यक्रम अधिकारी इशरत जहां का कहब है कि आंगनवाड़ी नीकतान काम नहीं करत तौ यहिकर जांच कीन जई। सी डी ओ का फोन कइ के कहि दीन गा है कि महीना मा तीन दरकी जांच कीन जाये। वहिके बाद कारवाही होइ।

रिपोर्टर- गीता देवी 

27/09/2016 को प्रकाशित