खबर लहरिया सीतामढ़ी बहुत जल्दी जुटतई वोटर के नाम

बहुत जल्दी जुटतई वोटर के नाम

NIR

नाम जोड़बईत लोग

जिला सीतमढ़ी, प्रखण्ड सोनबरसा के बीसो पंचायत में वोटर लिस्ट अउर पहचान पत्र के काम तेजी से चल रहल हई। जेकरा लेल बी.एल.ओ. कर्मी फॉर्म भरके प्रखण्ड में जमा कलथिन। लेकिन सब फॉर्म वापस हो गेलई। जेई के लेल 19 मार्च 2014 के प्रखण्ड में वोटर लिस्ट में नाम जोड़लथिन। जे न अलथिन उनकर नाम न जुटतई।
पंचायत गांव इंदरवा के आंगनवाड़ी सेविका जे.बी.एल.ओ. के काम करई छथिन उ कहलथिन कि हमसब लोग के फॉर्म भरके जमा कर देली। लेकिन अब नियम बदल गेलईय। एई के लेल फॉर्म वापस हो गेलई। हम नाम जोड़े वाला लोग के नोटिस देली। उ लेके ब्लॉक में जमा कलथिन। अधिकारी के जॉच कयला के बादे सब के वोटर लिस्ट में नाम जुटतई अउर पहचान पत्र बनतई। जे फॉर्म भर के बाहर चल गेलथिन। उनकर नाम न जुटतई।
आंगनवाड़ी प्रवेक्षिका पुष्पा कुमारी अउर पंचायत निर्वाचन प्रभारी सुषील कुमार कहलथिन कि बहुत जल्दी इ काम हो जतई। ऐई में जेकर फॉर्म सही नियम से पास हो जतई उनकर नाम जुट जतई। जेकर छुट जतई उनकर जब फेर से नाम जुटतई तहिया बनतई।